Петар Печков

Објавено: понеделник, 03 јули 2023 748 21

Жителите на село Милино ги блокираа локалните патишта кои водат  кон Лозово и кон Каратманово. Тие денес ќе бидат таму до 19 часот. Причината за незадоволството е   лошиот пат, кој бил уништен од тешките возила, кои таму сообраќаат.

„По овој локален пат минат шлепери  од по 50 тони, транспортираат жито а дозволена носивост е 7 тони. Ова се случува откако започна жетвата. Патот се уништи за кратко време а тој ни и излез кон светот. И ние имаме жито за продавање, но не можеме да дозволиме поради него да немаме пат. Ако се уништи  а веќе се случува, знаеме каква е постапката и колку време ќе мине додека ни го поправат или асфалтираат нов“ - велат жителите од село Милино, лоцирано во општина Лозово, Овче Поле.  

Жителите на село Милиони најавуваат дека ќе продолжат со блокадата на патот а со тоа ќе биде сопрен и транспортот на ожнеаното жито, од овој дел на Овчеполието.