Петар Печков

Објавено: четврток, 12 јуни 2008 1747 352

Велешани ги пуштија црните балони во небото со што ги пуштија и лошите настани од минатото и запалија свеќи за сите починати како резултат на 30 годишната работа на Топилницата. Овa се случи на протестот организиран од Зелената коалиција со која се вели НЕ на повторното започнување со работа на некогашниот индустриски гигант и загадувач.

ТАА или НИЕ беше една од пораките со која се искажа волјата на мнозинството велешани, дека во градот нема место за Топилницата и дека здравјето на велешани не е на продажба. Бројните говорници потсетија дека сегае моментот да се делува превентивно, да не се дозволи змејот што пушташе три децении отрови и однесе многу човечки животи, повторно да нанесува зло на 50 илјади луѓе.

Од плоштадот Сармаале, колоната со млади и постари, невработени и некогаш вработени топилничари, болни и здрави се упати до Топилницата. Организаторот најавува дека активностите за дислокација на Топилницата продолжуваат