Петар Печков
Објавено: вторник, 05 јануари 2016
Три дена рампата за Дворови, на железничката пруга Велес - Гевгелија е спуштена. И додека соседните две, таа на мостот Гемиџии и таа кај Народната кујна функционираат, оваа не работи. Жителите на месноста стравуваат, оти не знаат кога возот ќе наиде а тие мораат да минат преку пруга.
Три дена рампата е спуштена. И минеме бидејќи постојано и светлосната сигнализација свети на црвено. Не знаеме кога возот ќе наиде а мораме да преминеме, оти цел ден нема да чекаме - велат жителите од Дворови.
Додаваат дека вработени од Македонски железници постојано биле тука и работеле, но никако рампата да се крене. Набргу по ова мина патнички воз на МЖ, околу 10,30 часот. Тој возеше со мала брзина и со силен звучен сигнал предупредуваше дека воз е на пругата и наидува. Како превентива, некој од возачите на спуштената рампа, да не тргне да минува.
| Tweet |
