Петар Печков

Објавено: понеделник, 03 декември 2012 1404 354

Со ревизијата се бара да се укинат  пресудите, првостепената на Основниот суд во Велес и второстепената на Апелација од Скопје и процесот да започне одново. Правниците  на тужителите, Општина Велес и Зелената коалиција, ова нивно барање го темелат насуштествена повреда на одредбите на ЗПП и погрешна примена на материјалното право.

Според тужителите првостепениот суд не ги зел во предвид Физибилити студијата изготвена од Европската агенција за реконструкција и Геохемискиот Атлас изготвен од Природно Математичкиот факултет од Скопје, кои по опсежни реализирани истражувања докажале дека во почвата во Велес, на јавните и земјоделски површини, има големо згадување со тешки метали. 

Тужителите реагираат и на мислењето на судот, дека во времето кога Топилницата работела 1973-та 1990-та година, со тогаш важечките законски прописи не биле предвидени обврски на тужениот,  Република Македонија, која и не била самостојна суверена држава, за надзор врз заштитата на животната средина, туку само на природни реткости. При тоа го цитираат член 87 од глава три , точка 11 од Уставот на СФРЈ од 1974-та година.

Во ревизијата упатена до Врховен суд, тужителот смета дека  Република Македонија не ги презела сите дејствија и мерки кои и се на располагање за на граѓаните на Велес да им обезбеди здрава животна средина. При што се потенцира дека не е преземена мерката забрана за вршење на дејноста на Топилницата, се додека не се презема соодветни конкретни мерки за спречување на загадувањето. Судската пракса вели дека  по оваа ревизија  Врховниот суд може да расправа за три до четири месеци.