Петар Печков

Објавено: четврток, 29 јануари 2026 27 0

Девет претстави се на репертоарот на велешки театар „Јордан Хаџи Константинов Џинот“ во месец февруари со 13 изведби и едно гостување. 

Три пати ќе биде одиграна новата претстава на Елеонора Теова во драматизација на Катерина Момева, „Не можеме да платиме, нема да платиме“, која ќе се одигра на 6-ти, 7-ми и 18-ти февруари а имаше затворена премиера на крајот на декември. Претставата се игра на мала сцена. 

На репертоарот со две претстави е „Синиот портокал“  на 9-ти и 20-ти, исто како и „Мало невино убиство“ на петок 13-ти и 28-ми февруари. Ќе бидат изведени и „Госпоѓа министерка“ на 11-ти, „Вечера за глупаци“ на 21-ви, „Мајка“ на 12-ти, “Татко“ на 25-ти и „Лепа Ангелина“ на  26-ти февруари. Гостување на театарот Златен Елец со претставата „Добри луѓе“ во која настапуваат велешаните Тијана Трајчевска и Филип Христовски.