Петар Печков

Објавено: среда, 21 мај 2014 1127 272

Вчеравечер по   22 часот на Отовичка плажа, рибочуварите заплениле голем број на мрежи, недозволени за риболов. Во оваа акција не се пронајдени сопствениците на мрежите.

Постојано нашите служби се на  терен и во синоќешна акција на езерото Младост фативме  6-7 мрежи и должина од повеќе од  200 метри. Среќа е што немаше риба во неа. Претпоставуваме  кои се сторителите, бидејќи на  прсти се бројат. Нема штета во материјална вредност, но спречивме   натаму овие рибокрадци да ги  користат мрежите и фаќаат риба на диво. Ако овие мрежи останале можело да  се уловат 200 кг риба. Имаме сознанија дека тие претходно веќе продавале  вака нелегално уловена риба  – изјави Томе Илиевски секретар на ЗСР Бабуна од Велес.

Мрежата ќе заврши во Агенцијата за запленет имот во Скопје. Забраната за риболов на  езеро Младост  е селективна, во  зависност од   која риба се мрести. Моментално е  за црвеноперката па следи крапот, и тоа за различни делови од крајбрежјето на езерото. Дневната дозвола за риболов е 200 денари  а годишната 1.500 илјади денари.