Петар Печков

Објавено: вторник, 27 март 2007 1446 368

Трудовата инспекција ја затвори познатата велешка дискотека „Даунтаун“ во саботната посета на ноќните клубови од градот.

Поради тоа што во текот на контролата биле пронајдени 15 лица со нерегулиран работен статус издадено е решение за времено затварање на објектот а против работодавецот е поднесена прекршочна пријава. 

Забраната е реализирана по завршувањето на концертот на познатата бугарска фолк ѕвезда Преслава која вечерта имала настап во дискотеката.  

Во саботната акција на трудовата инспекција во Велес затворен е и ноќниот клуб „ЦрноБело“ каде што биле регистрирани две лица кои работеле на диво а против сопственикот е поднесена исто прекршочна пријава.