Петар Печков

Објавено: среда, 09 ноември 2022 1732 18

Велешанец се обидел да изврши кражба во трафостаница, при што настанала експлозија. СВР Велес со информација за настанот.

„На 08. ноември  во 10 часот, полициски службеници од СВР Велес го лишиле од слобода С.М.(44 год ) од Велес. Тој се сомничи дека на 5 ноември околу 22.40 часот на ул. „8-ми Септември“ во Велес со употреба на алат се обидел да изврши „тешка кражба“ од трафостаница на ЕВН, но не успеал. Притоа, настанала експлозија откако се обидел да исече кабли“ - соопшти Ристе Самарџиев портпарол на СВР Велес.

Лицето било приведено во полициската станица во Велес и по целосно документирање на случајот ќе следи соодветна пријава.

 фото илустрација