Аница Солева

Објавено: среда, 17 мај 2006 1104 343

Скејтерско-филмската легенда Stacy Peralta и продуцентот Dick Wolf најавуваат амбициозен документарен филм за славниот бенд „The Doors“ во 2007 година. Stacy Peralta, режисер на документарните филмови за скејтерите „Dogtown And Z- Boys“ и за сурферите „Riding Giants“, сценарист на играниот филм „Lords Of Dogtown“, работи на сценариото за документарниот филм „Six Nights, Six Records, Six Years“ наменет за „The Doors“. Филмот нема да биде исклучиво биографски, најавува Stacy Peralta, а актери ќе бидат сите преживеани членови на бендот, Ray Manzarek, John Densmore и Robby Krieger, кои имаат намера да ја пренесат својата музика на помладите генерации. Светската премиера е најавена за 2007, која се совпаѓа со јубилејот на „The Doors“, 40 години од нивното постоење (1967). Овој документарен филм ќе прикаже многу необјавен материјал, приватни снимки, интервјуа со родителите и со сестрата на починатата легенда Jim Morrison. За 40-от роденден на „The Doors“ планирано е изложување на монографијата „The Doors by the Doors“, фотомонографија „Jim Morrison Treasures“, книги со песните на Morrison „Things Known“ и „Things Unknown“ и двд издание „The Doors Live at the Matrix \'67“.