Петар Печков

Објавено: сабота, 02 јуни 2012 724 321

Општина Велес се вклучува како партнер во апликацијата за проектот ATTENTION заедно со пет партнерски институции и организации од Македонија и Грција. Целта на проектот ATTENTION е  демонстрирање на способноста да се постигнaт еквивалентни резултати со поинаков начин на одгледување земјоделски култури, подигање на свеста и едукација на локалните фармери за користење на еколошки методи. 

Проектот е вреден 94.100 €  а учеството на Општина Велес  во проектот со 14.115€. Општина Велес учествува во програмата заедно со уште 5 други партнери од Македонија и Грција: Универзитет „Св. Климент Охридски“ – Битола, Општина Делта, Општина Калкидона, Центарот за обука „Нефели“ од Грција и Меѓуопштинскиот центар за земјоделство од Солун.

 Проект насловен „Различни вкусови со заедничка историја“ – со кратко име на проектот DELICIOUS. Општина Велес ќе учествува во програмата заедно со уште 3 други партнери од Македонија и Грција: Агенцијата за општински развој -Солун, Земјоделскиот факултет –Солун и НВО од Македонија. Туризмот е една од најголемите индустрии во светот и еден од најбрзо растечките економски сектори. Храната има особено важна улога во развојот на туристички услуги, бидејќи често учествува со над 30% од трошоците во туризмот.

Со цел да се користат храната и туризмот како економска стратегија за развој, важно е да се охрабрат посетителите да запрат и да останат подолго време. Крајната цел на оваа иницијатива е подобрување на преку граничниот економски развој во проектната област, промоција на одржлив туризам, преку презентација на културата на традиционална храна во двете земји и примена на знаењата стекнати преку научен пристап. Проектот е вреден 72.500 €  а учеството на Општина Велес  во проектот со 9.615 €.

    Промоција и заштита на ресурсите на животната средина во пограничната област,со предлогот на проект насловен „Енергетска-мрежа на локалните власти од Грција и Македонија“ – со кратко име на проектот ENERSTRA. Општина Велес ќе учествува во програмата заедно со уште четири други партнери од Македонијa i Грција.

Постигнувањето на целите на ЕУ за енергетика познати како "20-20-20 до 2020 година" (кои во себе вклучуваат намалување на емисијата на CO2 за 20%, како резултат на 20% зголемување на енергетската ефикасност и 20% удел на обновливите извори на енергија во енергетската потрошувачка до 2020 година) претпоставува активно учество и соработка на локалните власти за достигнување на поставените цели.

Партнер на проектот од македонска страна е Општина Новаци, а од грчка страна се општините Флорина, Делта и Пилаја. Проектот е вреден 118.250  €  а учеството на Општина Велес  во проектот со 17.737 €

Проект насловен „Проект кохезиона мрежа во Грција и Македонија “ – со кратко име на проектот EUCONET . Проектот цели кон промовирање на одржлив економски и
социјален развој во граничните области и соработка во решавање на заедничките предизвици во областите како што се животната средина, природното и културното наследство и јавното здравje.

Проектниот предлог содржи ангажирање на експерти, организирање на обуки, изработка на веб страница, публикација и дистрибуција на информации, креирање на мониторинг комитети со локалните власти, анализа на истражувањата на експертите. Проектот опфаќа анализа на економските потенцијали и состојбите во социјалниот развој во двете земји, подобрување на економската и социјалната состојба во проектните области преку проектен пристап кон регионалните политики. Проектот е вреден 92.000  €  а учеството на Општина Велес  во проектот со 13.800 €

Проектот „KNOW HOW“ е базиран на идејата партнерите меѓусебно да си помогнат на патот кон подобрувањето и пронаоѓањето на решенија за економски и индустриски развој базиран на размена на знаења поврзани со бизнисот. Затоа, проектот планира воспоставување на Центар за развој на претприемништвото што ќе има специјализирани канцеларии за обезбедување помош и совети за економските и индустриските ентитети поврзани со развој на бизнисот, расположливите фондови, методологија, иновации и технологија и многу други области како и канцеларија за млади претприемачи со цел да им се даде што е можно поголема помош и да се создадат услови за нив, да останат во општината и да придонесат за нејзиниот развој.

Генералната цел на проектот е да придонесе за подобрување на економијата и индустрискиот развој во преку граничниот регион и да креира подобра бизнис клима со воспоставување на единствен информативен центар за претприемачи и индустријалци и да обезбеди механизми за споделување на добри практики за менаџмент помеѓу сите општини -партнери во пограничниот регион. Партнери од македонска страна се Општина Велес и Општина Крушево. Партнер од грчка страна е R&D Компанијата на Стопанската комора на Килкис. Проектот е вреден 204.594  €  а учеството на Општина Велес  во проектот со 6.207 €


Предложениот проект  TAKE THE KNOWLEDGEќе ја развие и силно ќе ја промовира улогата на Центарот за претприемачи. Со имплементиран ефикасен информатички систем за комуникација, податоци и размена на документи ќе ги приближи двете страни, во смисла на идентификација на потребите и можностите за взаемна соработка.

Генералната цел на проектот е воспоставување и зајакнување на економската и соработката во областа на земјоделството во преку граничната област на Грција и Македонија и формирање на унифициран центар што ќе претставува одлична база за надградба во комуникацијата, земјоделството и економијата. Партнер во проектот од македонска страна е Општина Росоман, а од грчка страна Универзитетската еклезијастичка академија од Солун. Проектот е вреден 272.224  €  а учеството на Општина Велес  во проектот со 27.580€.

Проектот CULTURE-CONNECTED е уникатен спој на минатото и иднината што како цел ја промовира заштитата на културното и историското наследство во двата преку гранични региони, притоа базирајќи се на иновативните информатички решенија и поддршката за постигнување на оваа цел. Проектот ја приоретизира посилната интеграција на преку граничната територија, преку нејзино поврзување со културните институции и локалитети. 

Главната идеја на проектот е придонесот во заштитата на културното наследство во преку граничните општини и промоција на архитектонските, историските, уметничките и други локалитети и нивниот потенцијал за развој на културен туризам, преку воспоставување на Е-културен центар како генератор на културната размена помеѓу грчките и македонските општини. Како таков, проектот се базира на вмрежување на културните институции во областа и на тој начин го зајакнува неговиот потенцијал за раст преку проширување на влијанието на културната промоција зад границите. 

Од македонска страна, водечки партнер е општина Крушево, а партнер во проектот е Општина Велес. Партнери од грчка страна се општина Серез и Кластерот за органски производи. Проектот е вреден 204.175 €  а учеството на Општина Велес  во проектот со 37.088 €.