Петар Печков

Објавено: среда, 03 мај 2023 665 40

Скопјанец П.А. (70 год) родум од село Чичево- Градско, вчера попладне со неговиот автомобил, марка „форд мондео“ излетал од локалниот пат  кај село Долно Чичево, удрил во дрво и се здобил со тешки телесни повреди“. Настанот се случил околу 13,.30 ч. Прва на помош пристигнала екипата на Итната помош од Велес.

„Во 13,45 приемен е повик за сообраќајка. Повреден е маж, кој бил во свесна состојба, со повреда на граден кош,  екстремитети. Дадена му е неопходна здравствена нега и префрлен на  хируршко одделение од велешка болница“ - кажа д-р Василка Пановска, началник на службата за Итна помош.
Кај повредениот П.А.  бил констатирани тешки телесни повреди.

„Примен е пациент од сообраќајка,  кај кого има  сериска фрактура на ребра, скршеница на потколеница и нагмечувања на телото. Поради специфичноста на повредите префрлен е на Клинички центар во Скопје“- информира д-р Елена Левкова Ќулумова, портпарол на Општа болница Велес.

Од СВР Велес ја потврдија сообраќајката, дополнија дека е извршен увид по што ќе се знаат причините за излетувањето на автомобилот.