Петар Печков

Објавено: недела, 03 април 2022 1682 60

Нова кражба сторил скопјанецот кој полицијата го осомничи дека ги украде парите од Гостилница Боем, кои беа наменети за подготвување храна за социјално ранливите категории од Велес. Новото дело го сторил откако нападнал старец и му украл пари, и тоа дома. МВР со информации за настанот.

„Саботата на  2-ри април,  во 10.10 часот во СВР Велес, Ѓ.П.(81) од Велес пријавил дека во неговиот дом во Велес од едно лице бил физички нападнат, при што му биле одземени пари, мобилен телефон и документи. Во врска со настанот од полициски службеници бил лишен од слобода Л.М.(20) од Скопје со привремен престој во Велес“ -соопштија до МВР.  

Л.М. бил задржан во полициска станица  за понатамошна постапка. Известен е и Јавен обвинител. Се работи на целосно расчистување на случајот.