Петар Печков

Објавено: понеделник, 20 мај 2013 908 274

На Плоштадот Сармаале  Територијалната Противпожана единица од Велес со три показни вежби пред граѓаните го одбележа Денот на пожарникарството во Република Макаедонија, 20- мај. Беа демонстрирани спасување станари од запален стан во зграда, спасување на моторциклист при сообраќајна незгода и  спасување на повреден од автомобил при сообраќајна несреќа.

Љупчо Лепидовски командир на ТППЕ од Велес порача  до граѓаните  дека со оваа вежба тие  покажале на дело како  Единица  дека се подготвени за интервенција 24 часа. Градоначалникот на Општина Велес, Славчо Чадиев ја оцени како одлична интервенцијата на велешките пожарникари и најави дека се работи на нејзино до опремување, како и набавка на глисер за интервенции на вода. Ќе се залага и за до екипирање на Единицата со млади кадри.

Претставници од противпожарната единица на Велика Британија  им доделија сертификати на некои од македонските пожарникари кои пред неколку месеци беа на обука. Како што нагласи координаторот на пожарникарите- претставници од Велика Британија, Пол Гетс, тие со велешките пожарникари, како и во изминатите неколку година и оваа недела ќе работат на обука и усовршување на разни техники и ситуации при спасување во пожари,сообраќајни незгоди и слично.