Петар Печков

Објавено: вторник, 17 мај 2016 1446 270

Понеделникот   напладне се случи сообраќајка во населба  Речани, во која се судриле автомобил и камион,  има  двајца повредени, еден со тешки повреди.

Според СВР Велес сообраќајната незгода се случила во 12.10ч.на улица „Академик П.Давчев“ во близина на куќен број 52. Во неа  учествувале патнички автомобил марка „БМВ“ со велешки регистерски ознаки управуван од И.Ј. (1978) од село Иванковци и товарно возило марка „Ивеко“ со велешки регистерски ознаки со приклучно возило марка „Кроне“ управувано од И.Т. (1978) од Велес.

Во несреќата со повреди се здобиле возачот на патничкиот автомобил и  сопатникот во товарното возило Б.М. (1987) кои со возило на Итната медицинска помош се пренесени во ЈЗУ Општа болница Велес.

Доктор Филип Тодорвоски  информираше дека   поради  специфичноста  на повредите возачот на патничкиот автомобил И.Т.  е препратен  во Ургентен Центар - Скопје . Тој имал повеќе скршеници, на десна потколеница, отворена скршеница на лева натколенциа и лева надлактица.  

По овластување на јавен обвинител увид на лице место изврши увидна екипа од Полициска станица за безбедност на сообраќајот на патиштата Велес.