Петар Печков

Објавено: сабота, 14 септември 2013 599 236

 На светското првенство во кајак на диви води, кое се одржува во близина на Прага на патеката Троја (Чешка) учествуваа и двајца велешани, како членови на македонската репрезентација.

Тие возеа во квалификациите за К-1  и не влегоа во полуфиналето поради слабиот пласман. Игор Стефановски беше 81-ви додека Љубомир Спасиќ беше 82-ри од 102-ца учесници. Во полуфиналето се пласираа 40-те најдобри. 

После првото возење и Стефановски и Спасиќ имаа далеку подобри времиња, беа  68-ми Стефаноски и Спасиќ 74-ти. Но грешките во второто возење ги симнаа  нивните резултати и се пласираа во долниот дел.

Веќе наредниот викенд  на патеката на Вардар низ Велес ќе се одржи државното првенство за сениори, каде велешани ќе треба да решат кој ќе биде  државен првак.