Петар Печков

Објавено: среда, 24 јануари 2024 59 7

Студот ја зголемија потрошувачката на вода во Велес. Таа  деновиве е повисока отколку претходниот  период.  Утринските температури деновиве се спуштија на -8 во понеделникот и -9 во вторникот. Според информацијата од ЈКП Дервен, изминатите денови  на месец јануари  во просек се трошело 162 литри/сек. За илустрација лани  во ноември просечна потрошувачка на вода била 155л/сек а во декември  157л/сек.

„Поради мразот, некои сограѓани ги оставаат чешмите , водата да тече, од страв од замрзнување.  Поради тоа е зголемена потрошувачката. Апелираме до потрошувачите, повнимателно да ја трошат водата и превентивно да ги заштитат славините за вода“ - велат надлежните од ЈКП Дервен.

Од ЈКП Дервен потсетуваат, граѓаните  да  заштитат водомерите од замрзнување така што ќе ја завиткаат водомерната инсталација со дебела ткаенина и ќе ги затворат вентилите на чешмите во дворовите.
Во случај да им замрзне водоводната инсталација, граѓаните треба да внимаваат кога ги одмрзнуваат цевките користејќи грејни тела – тоа да го прават внимателно и на одредена оддалеченост од инсталацијата, и во никој случај да не користат директен пламен врз цевките или водомерот, затоа што може да предизвикаат оштетување, особено ако цевката е пластична.