Петар Печков
Објавено: недела, 03 јуни 2012
Апелација ја потврди пресудата на Основниот суд во Велес, дека Млекарата на поранешен АД Лозар е сопственост на Макпетрол. ЛОЗАР МЛЕКАРА АД-во стечај поднел тужба против МАКПЕТРОЛ АД Скопје и Агенција за катастар на недвижности на Република Македонија - Одделение за катастар на недвижности Велес, за утврдување право на сопственост и предавање во владение, а вредност на спорот беше 3.409.656 денари.
Лозар Млекара во стечај сметал дека млекарата во ниту еден документ не е предмет на должничко- доверителските односи, помеѓу него и Макпетрол, туку тоа се однесува само на Ладилникот. Макпетрол станал сопственик на објектот откако на 18.09.1997 година склучен е писмен договор помеѓу правниот претходник на тужителот, тогашен АД Лозар, и Макпетрол. Предмет на договорот била купопродажба на мазут.
Според договорот продавачот Макпетрол презел обврска да му ги испорача договорените количини на сега тужителот заклучно со 30.04.1998 година а правниот претходник на сега тужителот презел обврски да набави 2.200.000 литри мазут по цена важечка на пазарот на Република Македонија во периодот на денот на испораката, а плаќањето да биде со компензација со стока -пченица од реколтата 1997/98 година.
Бидејќи АК Ладилник АД Велес не го платил навремено долгот кон Макпетрол донесено е Решение на ден 20.06.2003 година со кое на најповолниот понудувач - доверителот Макпетрол му се досудува недвижниот имот Ладилник. АД Лозар Млекара во стечај смета дека Макпетрол го добива само ладилникот но не и Млекарата. Од Спогодбата за делбен судот утврди дека ,,во неа не е јасно прецизирано и определено кои градежни објекти му припаднале на тужителот, што значи дека тој не прибавил индивидуално определена ствар и нема полноважен правен основ со кој би се стекнал со сопственост над недвижноста над која претендира,, .
Тужителот ЛОЗАР МЛЕКАРА АД- во стечај не успеал да докаже со ниту еден документ дека е сопственик на предметниот недвижен имот, по што судот го одбил барањето како неосновано во целост.
| Tweet |
