Петар Печков

Објавено: среда, 31 август 2011 804 341

По осум години играње во ракометната Бундеслига, Влатко Темелков, македонскиот репрезентативец, ја менува средината и во следните две години ќе игра во Луксмебург, во тимот на Башараж.

Темелков долго време преговарал со повеќе германски екипи и пред почетокот на новата сезона се реши за Луксмебург.

По долго размислување се одлучив за овој тим пред се заради мојата фамилија а и финансиски сум многу задоволен. И покрај тоа што во последно време повторно Балинген беше заинтересиран, па дури и Гумерсбах не беше "ладен", не останав во Германија затоа што нивните понуди беа едноставно лоши - вели Темелков.

Велешанецот Темелков е стандарден репрезентативец на Македонија, играше и на СП 2009 година во Хрватска, а сега е на списокот и за ЕП 2012 во Србија.