Аница Солева
Објавено: четврток, 24 август 2006
Британската комисија што ја надгледува работата на електронските медиуми („Офком“) забрани прикажување на цртаните филмови со популарниот мачор Том и неговиот другар глувчето Џери. Цензурата следи по речиси 65 години од појавувањето на првиот филм за двајцата јунаци на цртаната серија, што во годините по Втората светска војна ја смислија и ја направија американските аниматори Хана и Барбера.
Контролорите на „Офком“, наредиле од сите филмови да се избришат секвенците на кои се гледа како главните јунаци Том и Џери држат цигари или пушат. Налогот за цензурирање на овие кадри ќе наложи бришење и чистење на дури 162 епизоди од серијата. Ваквата одлука е донесена откако „Офком“ бил преплавен со протести на загрижени родители по повторното емитување на една серија од цртаните филмови на еден сателитски канал што не е исклучиво во британско владение.
Гневот на родителите, според контролната комисија, го предизвикале два филма во кои мачорот Том еднаш витка цигара, умилкувајќи и\' се на една мачка, а потоа во друг пуши пура додека игра тенис. Филмовите се направени во Холивуд во 1949 и 1950 година. „Офком“ инсистира ТВ-станиците да се придржуваат на усвоениот кодекс според кој пушењето треба да се елиминира од програмите наменети за деца.
Весникот „Дејли телеграф“ ја исмејува ваквата застарена и несоодветна одлука затоа што филмовите се правени во едно друго време и во поинакви стандарди на живеење, приговарајќи им на цензорите што не им пречи тоа што младите гледачи може да гледаат како Том и Џери се бркаат до исцрпување, се тепаат, се удираат со чекани и се сечат со пили и секири. Ваков вид цензура, пак, поради сцените со пушење, ќе биде направена и на цртаните серии „Скуби Ду“ и „Флинтонови“.
Извор: Дневник
Контролорите на „Офком“, наредиле од сите филмови да се избришат секвенците на кои се гледа како главните јунаци Том и Џери држат цигари или пушат. Налогот за цензурирање на овие кадри ќе наложи бришење и чистење на дури 162 епизоди од серијата. Ваквата одлука е донесена откако „Офком“ бил преплавен со протести на загрижени родители по повторното емитување на една серија од цртаните филмови на еден сателитски канал што не е исклучиво во британско владение.
Гневот на родителите, според контролната комисија, го предизвикале два филма во кои мачорот Том еднаш витка цигара, умилкувајќи и\' се на една мачка, а потоа во друг пуши пура додека игра тенис. Филмовите се направени во Холивуд во 1949 и 1950 година. „Офком“ инсистира ТВ-станиците да се придржуваат на усвоениот кодекс според кој пушењето треба да се елиминира од програмите наменети за деца.
Весникот „Дејли телеграф“ ја исмејува ваквата застарена и несоодветна одлука затоа што филмовите се правени во едно друго време и во поинакви стандарди на живеење, приговарајќи им на цензорите што не им пречи тоа што младите гледачи може да гледаат како Том и Џери се бркаат до исцрпување, се тепаат, се удираат со чекани и се сечат со пили и секири. Ваков вид цензура, пак, поради сцените со пушење, ќе биде направена и на цртаните серии „Скуби Ду“ и „Флинтонови“.
Извор: Дневник
| Tweet |
