Петар Печков

Објавено: понеделник, 16 септември 2013 849 357

На брегот на езерото Младост се одржа третиот по ред меѓународен риболовен куп ,,Кркушка,,. На него земаа учество 23 екипи што е рекорд на една ваква манифестација во земјава.

Имаше и пет од странство, четири од Србија од Ужице, Ниш, Лебане и Дољевац и една од Бугарија од Ќустендил. Токму оваа екипа на Митерсон  победи уловувајќи најмногу риба, пред екипата од Јабланица Лебане а трети беа  риболовците од  Доем Крива Паланка.

Ова е традиционално дружење на рибарете од регионот.  Затоа и уловената риба во договор со концесионерот на езерото ја вративме по натпреварот во водите на Младост. Освен тоа се збратимивме и со екипата од   Ѓетиња  Ужице – изјави  Марјан Кралев претседател на  ЗСРРК ,,Кркушка,, од Велес.

Чинот на збратимувањето беше впечатлив со парче печен леб во вид на риба,  а гостите на домаќините им дадоа нивна ракија сливовица и вишновка, како и тегло од  слатко од јагоди да се заблажат домаќините, откако тие  ги пречекале со лут пинџур.