Петар Печков

Објавено: понеделник, 28 ноември 2011 2156 303

 Велешани добија уште еден градски часовник, тоа е камбанаријата од црквата во изградба, која ќе го покажува точното време. 

Пет подвижни и осум статични црковни ѕвона се поставени на камбанаријата од црквата Св. Кирил и Методиј  која  е во изградба, а се наоѓа во центарот на Велес. На државните  празници велешани  ќе се будат со македонската химна ,,Денес над Македонија се раѓа,, додека за време на општинските со ,,Болен ми лежи Миле Поп Јорданов,, . Ѕвоната ќе ѕвонат секој работен ден по четири пати во 8, во 12, во 15 и 18 часот, додека сабота и недела нема да чукаат.

Вака ќе биде се додека не заврши изградбата на црквата, која е најавена за средината на 2013 година.  Нивното поставување  на камбанаријата висока 24 метри и инсталирање на музиката  траеше четири дена а прв пат чукнаа на верскиот празник Св. Димитрија. Ѕвоната се изработени во светски познатата леарница ,,Грос Маер,, од Австрија која ги има изработени  овие инструменти и за најголемиот соборен храм на Балканот, Св. Сава во Белград.