Петар Печков

Објавено: понеделник, 01 јануари 2024 1577 7

Децата пациенти од Детското одделение на Општа болница Велес, денес беа изненадени од посетата на Дедо Мраз. И тоа не еден, туку тројца.

Десетината деца кои за Новата година останаа хоспитализирани, добија новогодишно пакетче, кое го обезбеди Болницата а беше доставено од Дедо Мраз.

И тоа тројца. Двајца беа  членови на Здружението „Спасител за безбедност на вода и планина од Велес“ а третиот Веселиот Дедо Мраз.

На радоста на децата немаше крај а среќата и насмевките беа доволно признание  за успешноста на новогодишното изненадување.