Петар Печков

Објавено: петок, 25 октомври 2013 740 274

 Петта година по ред Ликовниот салон во Велес е домаќин на делата од Интернационалниот ликовен караван, кој го организира Тихомир Кондев. За овие години на него учествувале 176 автори. Годинашната изложба на слики и графики, која претходно беше поставена во Охрид и Струга е  на тема ,,Убавините на љубовта,,.

Пред велешката публика се претставуваат 22 автори од 30-те кои учествуваа  на манифестацијата. Има автори од Македонија, Србија, Хрватска, Словенија, Црна Гора, Унгарија, Германија и САД. На изложбата се застапени и 13 дела од скопскиот уметник Горан Јованов. По Велeс ликовниoт карван продолжува во Скопје, Белград, Нови Сад, па Бостон, Детроит и Чикаго.