Петар Печков

Објавено: понеделник, 21 ноември 2011 885 315

Апелациониот суд ја укина ослободителната пресуда за  Киро Камчев директор на АД Киро Ќуќук. Тој се товареше дека ја злоупотребил службената положба и на тој начин присвоил значителна сума пари, не помала од 15 милиони денари.  

Во повеќе наврати Камчев испорачувал стока, тули, цигли и друг градежен материјал на повеќе лица, со крајна цел да  купи акциите во висина од 9,2 милиони денари сопственост на Јордан Јорданов и наместо да ги плати од сопствен џеб,   ги платил со производи од друштвото каде управувал.

Камчев во моментот кога беше  уапсен на 20 мај 2008-тата, кај него беа пронајдени 4,4 милиони денари пари во готово,  за кои обвинителството смета дека  биле подигнати од касата на друштвото. Апелација ослободителната пресуда ја вратила на повторно разгледување а меѓу забелешките побарала ново вештачење, бидејќи со претходното му беше пресудено дека е невин.

Истовремено против Камчев во Основниот суд во Велес започнуваат две нови судења за финансиски малверзации и  неплаќање на данок.