Петар Печков
Објавено: вторник, 27 јуни 2023
МВР со информација за сообраќајката, која се случи вчера, понеделник попладне во тунелот кај Катланово. Во неа смртно настрада унгарски граѓанин, возач на мотор, откако се забил во камион. Сопатничката на моторот е во велешка болница со полесни повреди. Тунелот во тој период според сведоците бил во мрак, немало осветлување.
„На 26 јуни во 16.46 часот било пријавено дека на автопатот Велес- Скопје, после влезот во тунел Стража- Катланово, се случила сообраќајна несреќа помеѓу товарно возило „фолксваген дока“ со скопски регистарски ознаки, управувано од А.Д.(26 год) од село Цветово, скопско и мотоцикл „хонда“ со унгарски национални ознаки, управувано од Ц.Б.(70 год) од Унгарија. На местото на несреќата починал мотоциклистот, а смрт била констатирана од страна на лекар од Итна медицинска помош. Со телесни повреди се здобила сопатничката Ц.Т.В.М.(68 год) од Унгарија, констатирани во Општата болница Велес“ - соопштија од МВР.
Извршен бил увид од Јавен обвинител и увидна екипа од СВР Велес.
| Tweet |
