Петар Печков

Објавено: понеделник, 10 декември 2012 1085 337

Градоначалникот на Велес Горан Петров  информираше дека во Велес и годинава ќе има организиран дочек за Нова година. Забавата за граѓаните ќе се одржи на дел од улицата „Благој Ѓорев" пред Гимназијата, на истото место каде што беше и питијадата.

Општината има договор со сопствениците на кафулињата кои заеднички ќе учествуваат во организирање на целата манифестација.

Граѓаните на Велес Новата 2013 година ќе ја дочекаат со чалгаџииски оркестар на МРТ и групата „Тоа е тоа‘‘ со Мики Јовановски-Џафер, Венко Серафимовски, Љупчо Трајковски-Фис.

Како што информира Петров, два дена  претходно на отворена сцена велешани ќе можат јавно да го искажат својот талент преку настап кој ќе значи и нивна афирмација. Пријавувањето на талентираните граѓани кои сакаат да настапат во дводневната новогодишна отворена сцена е во тек