Петар Печков

Објавено: вторник, 14 март 2023 571 29

Советот на Општина Велес ја прифати  донацијата од Холандскиот брачен пар Александер и Ива Долстра , кои на Велес му донираа 10 сензори  за мерење на квалитетот на амбиенталниот воздух. Тие се во вредност од две илјади евра.

„Овие мерни инструменти ќе бидат поставени на десет локации во градот а жителите на Велес преку апликација ќе може да  следат да знаат какви се  вредности. Ние како локална власт  имаме поднесено барање за поставување на дополнително уште 2- 3 мерни инструменти за мерење на квалитетот на воздухот до Министерството за животна средина, оти постојниот  еден е премалку за Велес “- кажа Петре Цилаков раководител на сектор за животна средина во Општина Велес .

Мерните инструменти  ќе ги мерат вредности на   ПМ 10 и ПМ 2,5 честичките и работат на струја и на ви-фи.    Донацијата е обезбедена преку советникот Даниел Јаневски.