Петар Печков

Објавено: четврток, 15 април 2021 1539 152

Хуманитарната помош, која вчера припадниците од велешкиот гарнизон на АРМ ја предадоа на Општинскиот Црвен Крст, денес заврши во вистински раце, кај петчленото семејство Панови во село Владиловци. Семејството има три деца на возраст од три, пет и седум години и живее во лоши услови.

„Двајца волонери од   Црвен крст Велес ја доставија хуманитарната помош од припадниците на Армијата, до ова населено место оддалечено 30-тина километри од градската средина. Хуманитарната помош се состоеше во пакети со храна, средства за хигиена, облека и покуќнина“ - соопшти Орце Николов, секретар на ОО Црвен крст Велес.   

Пакетите беа  донација од  вработените во велешката касарна „Алексо Демниевски – Бауман“ по повод 15-ти Април Денот на единицата.