Петар Печков

Објавено: недела, 22 април 2012 1047 337

Друштвото за грижа за здраво поколение  ја одржа шестата по ред хуманитарна акција со продажба на прехранбени производи. Повеќе невладини и граѓански здруженија од Велес понудија стотина благи и солени работи, подготвени специјално за оваа пригода. Собраните средства беа наменети за  дваесет и едногодишната Ивана од Велес, на кои и се потребни за лекување.  Истовремено децата од велешките основни училишта учествуваа во трката по велешките улици ,,Да трчаме здраво е,,.

Им благодариме на сите присутни кои дојдоа и понудија од дома подготвени специјалитети, како и на тие што тоа го купија.  Преку рекреативна трка ги поттикнуваме децата да излезат од дома, да се дружат- изјави Иванка Андова, претседател на здружението за грижа за здраво поколение.

Најмногу производи имаше на штандот од жените пензионерки и  жените инвалидски пензионери.

Бабите се секогаш тука кога е потребно да помогнат. Ќе одделиме од нас, за некој на кој што му треба и ора го правиме со задоволство. Се знае дека благата на баба секогаш се најубави и најбарани, бидејќи со љубов ги подготвуваме кон нашите најсакани – велат велешките пензионерки. На нивната маса имаше торти, тегла со слатко кои се нудеа за симболични цени од само сто денари и бргу беа продадени.