Петар Печков

Објавено: четврток, 11 јуни 2020 1477 134

Во текот на вчерашниот ден во велешко има регистрирано четири  ново заразени со ковид-19 а две лица се водат како оздравени. Со ова вкупната бројка на активни случаи во велешко е 29 лица, досега 110 лица оздравеле.

Сите нови четири случаи се заразени од членови на семејството, од познати лица.  Има две лица оздравени, пуштени дома од Инфективно одделение, биле на два последователни теста од земени брисеви негативни  - информираа од Центарот за јавно здравје Велес. 

Од Велешка Болница соопштија дека на Инфективно одделение има 11 пациенти, двајца во текот на денот се пуштени дома како оздравени а едно лице, вчера попладне поради влошување на здравствената состојба е префрлено на Инфективна клиника во Скопје. Три други лица, со корона вирусот се во ГОБ  8-ми септември, едно повратник од Англија е во државен карантин во Скопје а 14 лица се во домашен каратнин. 

Во државен карантин низ земјава се вкупно 10 велешани, повратници од странство, македонски државјани. Тие не се позитивни на ковид-19.