Петар Печков

Објавено: вторник, 04 септември 2018 742 208

На прес конференција  пратеникот во републичкото Собрание Панче Иванов  ги кажа предностите кои зачленувањето во НАТО и ЕУ ги носат за граѓаните на Република Македонија. Со зачленувањето и во  едната организација и во другата  пратеникот  Иванов најави нови поголеми директни странски инвестиции, нови работни места. Тој низ бројки ги презентираше Европските фондови  во Македонија.

Вкупната ЕУ помош за Македонија изнесува 90 милиони евра или 260 илјади евра дневно. Годишно 15,5 милиони евра за Македонија преку ЕУ програмата за транспорт- патишта, мостови, железница и друга инфраструктура.  За заштита на границите на Македонија годинава ЕУ дава 8,5 милиони евра. За следната година за земјоделството во ЕУ фондовите за Македонија се предвидени 15 милиони евра. За 2020-та за реформи во судството и полицијата во Македонија предвидени се 20 милиони евра - рече Иванов. 

Тој ги повика граѓаните да излезат на 30 септември  на референдумот и да ја поддржат Европска Македонија.